بحـث
 
 

نتائج البحث
 


Rechercher بحث متقدم

التبادل الاعلاني
احداث منتدى مجاني


الخطوة الثالثة بعد الألف فى عقاب الخبز

استعرض الموضوع السابق استعرض الموضوع التالي اذهب الى الأسفل

الخطوة الثالثة بعد الألف فى عقاب الخبز

مُساهمة  د / وليد الباز في الثلاثاء أكتوبر 14, 2008 9:44 pm

الخطوة الثالثة بعد الألف فى عقاب الخبز


و بعد أن قضينا مدة طويلة من الحبس على ذمة قضية تنظيم الراغبون فى توزيع الخبز بالعدل و حصلنا على قرار العفو بالحصول على توصية مركز محلى مركز طلخا أخذنا أوراقنا و ذهبنا لادارة تموين طلخا و نحن نظن أن قرار العفو النهائى على وشك الصدور و لكن هيهات

قابلنا مدير التموين بتعنيف لا نعرف سببه و قال لنا لقد أخبرتكم من قبل و لكن يبدو أنكم لا تفهمون اتفضلوا بهذه الأوراق فورا على سجن ديسط أقصد على الوحدة المحلية بديسط فقلنا جمعيا بنفس واحد (تانى) راجعين للف تانى و العذاب ترررلمممممم ما علينا

لموا يا أولاد الأوراق و جرى على الوحدة فقالوا لنا فين الحساب البنكى الخاص بمشروع توزيع الخبز فأخبرناهم أن للجمعية حساب بنكى فقالوا لنا لالالالا يا بابا

حساب جديد منفصل و يلا بقى عاوزين نشوف جمال خطوتكم

و لما ذهبنا للبنك طبعا فى يوم تانى لأن للأسف اليوم فيه 24 ساعة فقط قالوا لنا أنتم جايين تفتحوا حساب من غير جواب من الشئون الاجتماعية عاوزين جواب

و جرى على الشئون فقالوا لنا أنتم جايين عاوزين جواب من غير محضر مجلس ادارة

و طبعا فى يوم تانى- أنتم طبعا عارفين السبب- عملنا المحضر اللى أنتم شايفينه و أشهد أن لا اله الا الله و متفتكروش أنى بأنطق الشهادة عشان خلصنا لالالالالا طبعا أن بنطقها لأن نفسى أنقطع و السر الآلهى قرب خلاص و للحديث بقية أن كان فى العمر بقية
avatar
د / وليد الباز
Admin

المساهمات : 200
تاريخ التسجيل : 04/06/2008
العمر : 43
الموقع : ebinbaz.maktoobblog.com

معاينة صفحة البيانات الشخصي للعضو http://kafreltawila.akbarmontada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى